Tàm pơrjum, ală kwang bàng đơs tus bơta tàm dunia mờ tàm lơgar bơh 50 nam dà lơgar tơrgùm bal, guh jăt gùng dà củ nghĩa xã hội bal mờ ală bơta gơrềng tus mờ broă bơ̆t bơtàu, bơtàu tơnguh dà lơgar mờ sền gàr Dà lơgar Việt Nam.

Đơs tàm pơrjum, ồng Nguyễn Xuân Thắng, Kwang atbồ Họk viện Cíñ trị dà lơgar Hồ Chí Minh đơs nền: broă tus bal bơh broă tơn jơh 50 nam dà lơgar tơrgùm bal rơ̆p krơi mờ broă tơn jơh 40 nam tam gơl pa tàm bơta: sền sơnơng, tơn jơh, sền swì broă bơh tàm bơta “tơrgùm bal dà lơgar”. Pal lơh loh rài lài do bơh broă tơrgùm bal dà lơgar neh pờ geh dùl tơngai bơtàu tơnguh pa dà lơgar he dê; hơ̆ là gùt lơgar guh jăt gùng dà củ nghĩa xã hội. Ồng Nguyễn Xuân Thắng kung sồr pơn jăt tai lơh gơs, tơnguh uă bơta niam Jơnau yal, gờñ yal Ƀộ Cíñ trị, Ƀan Ƀí thư, pơgồp bal lơh geh cồng nha, di tŭ rơcang ai broă lơh Sră nggal Pơrjum dờng dơ̆ 14 Đảng dê.