VOV4.K’ho- Di tơngkah 111 nam Ngai Bác Hồ lik lòt jòi gùng dong klàs dà lơgar, tơngkah kir sơnrai 75 nam Ngai Cau ling sồt să- Cau ling chơ̆t màng, drim ngai 04/08, tàm Ƀảo tàng Hồ Chí Minh, Mpồl Kwang bàng ala măt Anih Jơnau đơs Việt Nam bơh Ủy viên Đảng Dà lơgar, Kwang ătbồ dờng Anih Jơnau đơs Việt Nam ồng Đỗ Tiến Sĩ lơh kwang ătbồ mpồl neh tus chu ñàng, pơdơng bơkàu kah kơlôi dà kơlhề bơh Ƀác Hồ dê, chu ñàng kah kơlôi ală cau khin cha jak chài chơ̆t màng tàm Ƀlàng tơ̆p ƀồc cau ling chơ̆t màng ƀòn dờng Hồ Chí Minh.

Tàm nùs nhơm ki ngàm ngan, Kwang ătbồ dờng Anih Jơnau đơs Việt Nam ồng Đỗ Tiến Sĩ mờ mpồl kwang bàng ala măt neh lời dùl phuk kun bồ kah kơlôi mờ chu ñàng ƀô thồm tơngŏ nùs nhơm ki ngàm ngan, bơta gĭt ưn ngài uă ngan gơwèt mờ dà kơlhề dờng ngan bơh Củ tịc Hồ Chí Minh dê- Cau neh lời jơh dùl rài kis tài làng bol, tài dà lơgar, tài broă lơh dong klàs jơi bơtiàn, tơrgùm dùl dà lơgar. Tơnơ̆ dơ̆ bơyai lơh chu ñàng kah kơlôi Củ tịc Hồ Chí Minh, mpồl kwang bàng ala măt neh tus chu ñàng tàm Ƀlàng tơ̆p ƀồc cau ling chơ̆t màng ƀòn dờng Hồ Chí Minh tàm Dòr ờ geh mat tàm ƀòn dờng Thủ Đức, tiah ơm rlô bĭc bơh mờr 14 rbô 500 nă cau khin cha jak chài chơ̆t màng dê.

Cau mblàng Lơ Mu K’Yến