VOV4.K’ho - Di tơnkah 77 nam kăc màng nhai 8, 77 nam ngai bơhiàn mpồl Kwang àng làng bol (19/08) mờ 17 nam Ngai chờ gùt làng bol sền gàr bơta lơngăp lơngai Dà lơgar ngai 19 nhai 08, drim òr (19/08), tàm Hà Nội, Mpồl kwang bàng Đảng ủy Kwang àng Dà lơgar bal mờ Ƀộ Kwang àng geh Đại tướng Tô Lâm, Kwang geh jơng tàm Ƀộ Cíñ trị, Ƀí thư Đảng ủy, Ƀộ trưởng Ƀộ Kwang àng lam bồ tus pơdơng goàng bơkào mờ mŭt tàm gơlang ƀồc ies ƀồc Củ tịc Hồ Chí Minh.

          Mpồl kwang bàng ala măt Đảng ủy Kwang àng mŭt tàm gơlang ƀồc ies ƀồc Củ tịc Hồ Chí Minh

Neh rơlao 77 nam bơ̆t bơtàu, tam lơh mờ dờng pràn, mpồl Kwang àng làng bol bal mờ gùt Đảng, gùt làng bol, gùt ling klàng neh lơh geh ală cồng nha jăk chài tàm broă tam lơh tơnklàs dà lơgar, dà lơgar geh lơngăp lơngai, khăt gơboh, tơrgùm bal dà lơgar, bơ̆t bơtàu mờ sền gàr Dà lơgar. Tŭ do, tàm bơta pa geh ai tơlik ală bơta tơlòng bal mờ bơta niam bơrlŭ bal, nàng lơh jăt niam rơlao tai gơnoar, kơnòl là mpồl tờm tàm broă sền gàr bơta lơngăp lơngai dà lơgar, gàr niam ờ do ờ dă mpồl bơtiàn, Đảng, Dà lơgar bal mờ làng bol he pal hòi jà mpồl Kwang àng pơn jăt tai tơnguh bơhiàn khin cha jăk chài, lơh ngan ờ geh ơm rơlô să, sơrlèt mờ ală kal ke, tơlòng, lơh gơs jăk chài ală kơnòl geh jào.

Cau mblàng Ndong Brawl