Tàm pơrjum, cau tĕ khà càr Dăk Lăk đơs là, uă broă gơrềng tơn tus rài kis làng bol bè: broă toh wơl ù ờ loh làng, lơyài tàm broă tơm ntrờn ù tiah, ờ niam tàm broă lơh jăt ală sră nggal tam gơl gơnoar ngui ù tàm ƀòn dờng Buôn Ma Thuột, bŭ lah neh uă dơ̆ dan mơya ờ hềt geh hơ wơl di pal, geh tŭ gam geh ờ uă anih lơh broă geh gơnoar gơrềng bal ờ hềt hơ wơl.

Bơdìh hơ̆ tai, cau tĕ khà càr Dăk Lăk kung sồr ală kấp, ală gah pal pơn jăt tai sền gròi, lơh kơl jăp ală gơl gùng tàm tiah drà mờ tàm ờ uă xã gam tàm bơta gơtìp tơrlah uă; sền gròi lơh bơtơ̆t rơbòng dà; mờ sền wơl tơnguh priă dong kờl ai kwang bàng thôn, ƀòn, mpồl ƀòn in; geh broă dong kờl ƀảo hiểm y tế ai làng bol jơi bơtiàn ờ gal cau.