VOV4.K’ho- Drim ngai 08/4, tàm hìu lơh broă Quôk hội, mpồl kwang bàng gròi sền tơngume “Broă lơh jat adat boh lam bè wă làng bol mờ bơsong yal yă, yal khài bơh ngai 01/7/2016 tus ngai 01/7/2021” bơh Phó Củ tịc Quôk hội ồng Trần Quang Phương lơh kwang atbồ mpồl geh dơ̆ lơh broă mờ Ƀộ Lao động, Thương ƀiñ mờ Xã hội. Mpồl kwang bàng gròi sền sồr đal git, sền sơ wì loh làng gơ wèt tus mờ ală cau ờ dipal geh dờp broă dong kờl cau geh màng mờ kac màng; geh broă lơh bơsong yal yă tàm gah do nàng gàr bơta iang nùs làng bol in.

Tàm jơnau yal, Ƀộ Lao động, Thương ƀiñ mờ Xã hội pà git, neh wă rlau 14 rbô 300 dơ̆ làng bol. Broă lơh wă làng bol geh lam lơh pơgồp bal đah broă cih tàm sră wă làng bol mờ ngui phần mềm atbồ wă làng bol, bơsong yal yă yal khài bơh Ƀộ dê, geh tàm tơrbŏ bơh sơn rờp mờ kơ sở zữ liệu dà lơgar bè yal yă yal khài bơh Thañ tra Cíñ phủ dê. Ală kwang geh jơng bơh mpồl gròi sền dê sồr lơh loh ală sră yal yă yal khài tàm gah bơh Ƀộ Lao động, Thương ƀiñ mờ Xã hội drơng lơh, tơrgùm uă ngan tàm gah dong kờl cau geh màng mờ kac màng mờ ƀảo hiểm xã hội, geh tus mờr 90%.

Cau mblàng K’Duẩn