Đơng lam dơ̆ lơh broă geh Trung tướng ồng Nguyễn Hải Hưng, Phó Kwang atbồ Ủy ƀan sền gàr dà lơgar mờ Lơngăp lơngai bơh Quôk hội dê mờ ồng Dương Tấn Hiển, Phó Củ tịc Ủy ƀan Ñân zân ƀòn dờng Cần Thơ. Đơs tàm dơ̆ lơh broă, Trung tướng ồng Nguyễn Hải Hưng pà git, tơngume tờm bơh dơ̆ lơh broă dê tơrgùm tàm bơta lơngăp lơngai lòt rê gùng ù gờl mơya mờ bơta krơi is bơh ƀòn dờng Cần Thơ dê- tiah tờm tiah ring dà dờng Cửu Long, bơta krơi is là tiah dà mờ khà ơhò, plung lòt gùng tàm dà tàm tơngai lài mờ tŭ do pơn jat tai ngai sơlơ gơguh uă mờ kung pơhìn ală jơnau digơlan lơh aniai tus lơngăp lơngai lòt rê tàm gùng bè gùng tàm dà. Bè hơ̆ den tàng, mpồl kwang bàng jat sền kờñ Cần Thơ đơs loh ală bơta ờ niam, kòl yan tàm broă lam lơh broă lơh, adat boh lam, bơh hơ̆ mpồl rơp tơrgùm jơh jơnau đơs, jơnau dan nàng bơh broă jat sền geh bơta tam gơl niam tàm broă gàr niam rơndap tap sèng, lơngăp lơngai lòt rê tàm gùng.