VOV4.K’ho- Ngai 20/7, Mpồl kwang bàng jat sền bơh Quôk hội dê bơh Thượng tướng Trần Quang Phương, Phó Củ tịc Quôk hội lơh kwang atbồ mpồl neh lơh broă mờ Ủy ƀan Ñân zân càr Thanh Hóa bè broă lam lơh jat ngan ngồn tềm pềr, sơndră pơhì pơhà tơngai bơh nam 2016 tus nam 2021. Tàm dơ̆ lơh broă, kwang đơng lam bồ Ủy ƀan Ñân zân càr Thanh Hóa neh yal mờ mpồl kwang bàng in bè broă lam lơh broă lơh, adat boh lam bè lam lơh ngan ngồn tềm pềr, sơndră pơhì pơhà tàm broă atbồ, ngui priă jền tơngai bơh nam 2016 tus nam 2021.

Đơs tàm dơ̆ lơh broă, Thượng tướng Trần Quang Phương, Phó Củ tịc Quôk hội sồr Ủy ƀan Ñân cân càr Thanh Hóa cih dờp jơnau đơs bơh ală kwang bàng tàm mpồl jat sền dê, tơrgùm đơng lam bơsong ală bơta ờ niam, lơh gơlik bơta tam gơl tàm broă jat sền tơn. Sơlơ tơnguh broă đơng lam, pơlam, lam lơh jat tàm ală gah lam lơh ngan ngồn tềm pềr, sơndră pơhì pơhà, tơngume tờm là tam gơl pràn kơldang broă bơcri priă kă bro, nàng kờñ hòi jà uă ngan rlau jơh priă jền ai bơcri priă bơtàu tơnguh in.

Cau mblàng K’Duẩn