Jơnau yal mờ mpồl kwang bàng lơh broă, ồng Nguyễn Đại Phong, Kwang atbồ hìu sơnơm dờng tiah Tây Nguyên pà git, tàm tơngai bơh nam 2019 tus 2022, Hìu sơnơm neh rơhời lơh jăt ndrờm bal ală broă lơh nàng ai bơta niam broă kham, sơm kòp ngai sơlơ niam rơlao.

Geh pơnrơ ngan là ngui kông nghệ thông tin, lơh niam wơl sră nggal tàm broă kham, sơm kòp; Tam gơl pa phan lơh broă, kỹ thuật pa lơh geh cồng nha mùl màl tàm broă sền nàng git mờ sơm kòp. Đơs tàm dơ̆ lơh broă, Thứ trưởng Ƀộ Y tế ồng Trần Văn Thuấn đơs là, Hìu sơnơm dờng tiah Tây Nguyên pal geh tai ală broă lơh dong kờl di pal, ai geh nùs nhơm lơh broă gơguh jăk, tam klăc bal mờ sùm pơgồp bal mờ ală Hìu sơnơm dờng rơlao nàng bơto bơh ngài nàng tơnguh uă bơta niam lơh broă mờ gàr niam mpồl y ƀák sĩ lơh broă. Bè broă blơi sơnơm, phan lơh sơnơm, Thứ trưởng pà git, tŭ do neh geh uă kơrnoăt nàng bơsong, kwơ màng là Hìu sơnơm geh tơl pràn nàng lơh broă ha là ờ.