Mpồl kwang bàng lơh broă bơh Cíñ phủ geh Ƀộ trưởng Ƀộ Ngoại giao ồng Bùi Thanh Sơn lam bồ mpồl kwang bàng neh lơh broă mờ càr Kon Tum bè broă lơh sa kă bro, bơcri priă dà lơgar, bơ̆t bơtàu phan bơna mờ tăc, blơi phan kă bro mờ lơgar bơdìh.

Tơnơ̆ mờ tŭ neh tus sền mùl màl ờ uă broă lơh, gah broă lơh tờm, tàm dơ̆ lơh broă mờ UɃÑZ càr Kon Tum, Ƀộ trưởng Ƀộ Ngoại giao ồng Bùi Thanh Sơn đơs niam broă lơh ngan bơh càr dê tàm broă lơh ngan gơs dùl tàm ală càr lam lài gơguh lơh sa tàm Tây Nguyên dê. Đơs tus ală bơta gam ờ pràn, ờ niam tàm broă tơnguh bơtàu lơh sa mpồl bơtiàn càr Kon Tum dê tàm 4 nhai bồ nam 2023, Ƀộ trưởng ồng Bùi Thanh Sơn sồr càr Kon Tum lơh jăt di pal jơnau đơng lam bơh Thủ tướng Cíñ phủ tàm Cỉ thị sồ 08 ai broă bơcri priă dà lơgar là dùl tàm ală kơnòl cíñ trị kwơ màng lài ngan. Sồr Ƀộ Xây dựng, Ƀộ Tài Nguyên mờ Môi trường sền wơl jơnau dan bơh càr Kon Tum dê nàng gờñ pơlam di mờ kơrnoăt mùl màl, ring bal đah broă rơndăp ngui ù tiah mờ broă rơndăp ù tiah lơh tiah drà.