VOV4.K’ho- Drim ngai 18/5, Mpồl kwang bàng lùp sền bơh Ủy ƀan Adat boh lam Quôk hội khóa 15 dê bơh ồng Nguyễn Trường Giang, Phó Củ ñiệm Ủy ƀan Adat boh lam lơh kwang atbồ mpồl neh geh dơ̆ lơh broă mờ càr Dăk Lăk bè broă lơh jat jơnau cih bơh adat boh lam dê bè tơl khà, bơta pal geh nàng tơn pồ viên cứk atbồ mờ broă atbồ viên cứk jat mat gơnoar broă. Kờp tus ngai 31/12/2021, kờp jơh khà viên cứk gùt càr là rlau 37 rbô nă, tàm hơ̆ cau jơi bơtiàn kòn cau dùl êt nă cau geh 12,5%.

Ủy ƀan Adat boh lam Quôk hội dê lơh broă tàm càr Dăk Lăk

Tàm dơ̆ lơh broă, kwang đơng lam bồ càr Dăk Lăk yal 2, 3 bơta kal ke mờ geh jơnau dan bè Broă lơh tơn pồ viên cứk atbồ, ngan là tàm ală mpồl lơh broă bơto bơsram, lơh sơnơm gam gơtìp kal ke, tài geh bơta gơ tàm rơndap rơndồl bè jơnau cih bơto pơlam kwang đơng lam bồ, atbồ jat gơnoar broă lơh. Đơs niam broă lơh jat jơnau cih bơh adat boh lam dê bè tơl khà, bơta pal geh nàng tơn pồ, broă lơh atbồ viên cứk càr dê, Phó Củ ñiệm Ủy ƀan Adat boh lam Quôk hội dê ồng Nguyễn Trường Giang kung pà git, mpồl geh tơrgùm ală jơnau dan, jơnau đơs bơh càr dê yal mờ Ủy ƀan Adat boh lam Quôk hội dê sền sơ wì, ai jơnau đơs nàng geh ală jơnau đơs tă pơgồp, tam gơl gơ in dipal mờ bơta geh ngan.

Cau mblàng K’Duẩn