VOV4.K’ho- Ngai 20/05, Mpồl Kwang bàng Quôk hội càr Dăk Lăk bơyai lơh Pơrjum tă pơgồp jơnau đơs ai ală rơndap cih Adat geh Quôk hội ai tơlik sền sơwì tàm pơrjum dơ̆ 3, Quôk hội khoá 15 tus do. Ală rơndap cih adat geh Mpồl Kwang bàng Quôk hội càr Dăk Lăk tă pơgồp jơnau đơs, tàm hơ̆ geh: Adat lùp sền (tam gơl), Adat lơh jat làng bol lơh tờm tàm ƀòn lơgar, Adat Nhơm zờu (tam gơl); Adat rcang sơndră lơh pờng hìu bơnhă, Adat kham sơm kòp (tam gơl), mờ Adat tam gơl bơtơl bàr pe bơta bơh Adat Tần sồ vô tuyến đèng.

Ồng Y Vinh Tơr, Ủy viên rơcăng lài Đảng dà lơgar, Kwang atbồ Mpồl kwang bàng Quôk hội càr Dăk Lăk đơs tàm dơ̆ pơrjum

Pơgồp jơnau đơs gơwèt mờ rơndap cih Adat lơh jat làng bol lơh tờm tàm ƀòn lơgar, ală kwang bàng sồr pal lơh kơrnoat mờ jơnau cih, bơto pơlam ngan ngồn bè broă lơh glài mờ priă gơwèt mờ broă lơh tìs jơnau sồr bơh adat boh lam dê bè lơh jat làng bol lơh tờm tàm lơgar, pal cih tơl làm, loh làng, sră nggal Làng bol sền gròi gơnoar atbồ ală tiah kấp xã bè lơh jat làng bol lơh tờm tàm xã, sơnah ƀòn, thị trấn. Ngan là pal cih loh rlau tai bè gơnoar broă, kơnòl bơh Mpồl lùp sền làng bol tàm mpồl lơh sa kă bro nàng kờñ gàr niam broă lơh jat sền bơh cau lơh broă dê gơwèt mờ cau ngui cau lơh broă.

Cau mblàng K’Hạnh