Tàm pơrjum, ală kwang bàng neh tă pơgồp uă tơngume geh ngan geh gơrềng tus Adat Viễn thông (tam gơl); Adat phan kwơ dà (tam gơl); Adat ală mpồl ai càn priă (tam gơl); Adat Atbồ, sền gàr broă lơh gah sền dà lơgar mờ tiah ling klàng; Adat kă bro ù tiah hìu đam (tam gơl); Adat hìu ơm (tam gơl).

Tă pơgồp jơnau đơs bè Adat kă bro ù tiah hìu đam  (tam gơl), uă kwang bàng đơs là: mờ ală jơnau cih pa, rơ̆p lơh geh adat boh lam geh gơrềng tơl làm, dùl ròt bal, ring bal nàng atbồ drà kă bro ù tiah hìu đam, dong kờl, sơlơ tơnguh drà kă bro ù tiah hìu đam bơtàu tơnguh. Mơya, nàng tơnguh uă kơnòl, bơta pràn jak bơh anih lơh broă atbồ dà lơgar dê bè broă lơh kă bro ù tiah hìu đam adat pal bơtơl tai tơngume jat sền ală bơta lơh jat adat boh lam bè kă bro ù tiah hìu đam. Mpồl kwang bàng Quôk hội càr neh cih dờp ală jơnau đơs tă pơgồp bơh ală kwang bàng dê gơwèt mờ ală jơnau rcang cih adat, tơrgùm wơl nàng yal tàm pơrjum mờr tus.