VOV4.K’ho- Ngai 27/04, Mpồl Kwang bàng Quôk hội càr Dăk Lăk bơyai lơh pơrjum tìp măt cau tĕ khà lài mờ pơrjum dơ̆ 3, Quôk hội khoă XV.

Tàm ală tiah tìp măt, Mpồl Kwang bàng Quôk hội càr Dăk Lăk neh yal mờ cau tĕ khà in tơngume broă rơcăng tàm pơrjum dơ̆ 3 mờ iăt kơno jơnau đơs, jơnau dan, jơnau sồr bơh cau tĕ khà dê pơyua tus Quôk hội in dơ̆ do. Tàm pơrjum ală cau tĕ khà neh sền gròi mờ dan uă tơngume gơrềng tus bơtàu tơnguh wơl mờ bơtàu tơnguh lơh sa- mpồl bơtiàn; geh ală broă lơh kràñ cê jơh nùs rlau tai nàng gàr niam giă, kơ̆ kơl jăp drà kă bro phan mờ dong kờl tă bơsong kal ke ai lơh sa, kă bro bơh mpồl lơh sa kă bro mờ làng bol dê tơnơ̆ tơngai gơtìp gơrềng tài bơh kòp Kovid-19.

 Cau mblàng Lơ Mu K’Yến