VOV4.K’ho- Ngai 10/10, Mpồl Kwang bàng Quôk hội càr Dăk Lăk neh tìp măt cau tĕ khà lài mờ tŭ bơyai lơh pơrjum dơ̆ 4, Quôk hội khoă XV tàm ală kơnhoàl: Krông Ana, Cư̆ Kuiñ, Ea Súp mờ kơnhoàl Buôn Đôn. Uă broă tàm rài kis làng bol dê neh geh cau tĕ khà đơs mờ Quôk hội. Tàm ală tìp tìp măt, Mpồl Kwang bàng Quôk hội càr Dăk Lăk neh yal cau tĕ khà in tơngume broă  rơcăng lơh tàm pơrjum dơ̆ 4 mờ iăt kơno ală jơnau đơs, jơnau dan, jơnau sồr bơh cau tĕ khà dê pơyua tus Quôk hội in dơ̆ do.

Cau tĕ khà kơnhoàl Krông Ana lòt pơrjum tìp măt cau tĕ khà lài mờ tŭ bơyai lơh pơrjum dơ̆ 4, Quôk hội khoă XV

Sền gròi tus bơtàu tơnguh wơl mờ bơtàu tơnguh lơh sa- mpồl bơtiàn, cau tĕ khà càr Dăk Lăk đơs là, Cíñ phủ pal geh ală gùng dà broă lơh pràn kơldang rlau nàng gàr niam giă, kơ̆ kơl jăp drà kă bro mờ dong kờl tă bơsong kal ke ai lơh sa kă bro bơh mpồl lơh sa kă bro mờ làng bol dê in. Cih dờp mờ jờng rơ ngan ală jơnau đơs bơh cau tĕ khà dê, Mpồl Kwang bàng Quôk hội càr Dăk Lăk neh sồr ală anih lơh broă geh gơnăp gơnoar mờ càr yal lơh loh. Mờ ală broă ndai, mpồl geh tơrgùm wơl mờ yal mờ Quôk hội, Cíñ phủ mờ ală ƀộ, ngàñ in tàm dơ̆ pơrjum tus.

Cau cih VOV Tây Nguyên- Cau mblàng Lơ Mu K’Yến