Tàm dơ̆ tìp măt, ồng Đinh Văn Khiết, lài do là Phó Củ tịc Ủy ƀan Ñân zân càr Dăk Lăk dê đơs là, ală jơnau cih tam gơl pa tàm jơnau rơcăng cih Adat Ù tiah (tam gơl) rơ̆p lơh geh bơta ring bal, dùl ròt bal lơh geh bơta gơtùi lơh jăt ngan ngồn tàm rơndăp ù tiah broă rơndăp lơh ngui ù. Bulah bè hơ̆, mìng is gơwèt mờ tiah Tây Nguyên, tiah geh gal làng bol jơi bơtiàn dùl êt nă cau ơm kis, adat kờñ pal geh ală jơnau cih loh làng bè lơh sră ngui ù mờ gơnoar ngui ù nàng mpồl cau do in geh kơnòl tàm tŭ dờp lèng mờ ngui ù geh cồng nha ala tài geh pà sir den tăc bro wơl. Kung tàm pơrjum do sơl, uă cau tĕ khà sồr pal đơs loh nùs nhơm bơsong gơwèt mờ ală bă ù bơh ală anih lơh sa sươn dờng tam brê dê ătbồ mơya làng bol gam ngui, gàr niam bơta kwơ ală gah in.