Tơnơ̆ tŭ Mpồl kwang bàng Quôk hội càr Kon Tum yal mờ mờr 100 nă cau tĕ khà in là kông ñân lơh broă bè broă lơh bơh mpồl kwang bàng Quôk hội dê; jơnau kờp dŭ broă lơh, tơngume pơrjum dơ̆ 5, Quôk hội khoă XV mut pơrjum tàm ngai 22/5 do, Ƀan Thường vụ Liên đoàn Lao động càr Kon Tum neh yal tơrgùm jơh jơnau đơs, jơnau dan bơh kông ñân lơh broă dê tàm càr mờ ală kwang bàng Quôk hội.

Jat hơ̆, cau tĕ khà là kông ñân lơh broă càr Kon Tum geh jơnau đơs, jơnau dan mờ Mpồl kwang bàng Quôk hội càr bè 6 mpồl broă bal mờ 38 tơngume, geh: Mpồl broă lơh sồr lơh, lam lơh jat broă lơh; Mpồl gah lơh sa suơn re, brê bơnơm; Mpồl lơh sa kă bro; Mpồl gah lơh sơnơm; Mpồl gah bơto bơtê mờ bơsram mờ Mpồl broă lơh gàr lơngăp lơngai rài kis mpồl bơtiàn.

Tàm pơrjum, Tổng Liên đoàn Lao động Việt nam neh pà phan ai 33 nă kông ñân lơh broă geh rài kis kal ke tàm càr in. Tơl bơnah phan kờp priă 1 tơlak đông priă mat mờ 200 rbô đông priă phan pà.