VOV4.K’ho - Drim òr (02/03), tàm hìu Quốk hội, Mpồl kwang bàng sền gròi bơh Quốk hội bè “Broă lơh jăt broă lơh adăt boh lam bè broă ai rơndăp ù tiah lơh broă bơh tŭ adăt rơndăp broă geh ngui” geh Phó Củ tịc Quốk hội ồng Nguyễn Đức Hải lam bồ neh geh dơ̆ lơh broă mờ Ƀộ Kông thương.

Tàm dơ̆ lơh broă, Mpồl kwang bàng sền gròi sồr Ƀộ Kông thương tơrgùm lơh gơs 5 rơndăp ù tiah gah dà lơgar, tàm hơ̆ uă ngan là gơwèt mờ rơndăp ù tiah lơh ồs đèng 8. Mpồl kwang bàng sền gròi sồr lơh loh cơng tàng lơh rơndăp ù tiah gah gơwèt kông thương, kung bè bơta niam bơh ală rơndăp ù tiah, mờ sền wơl broă sền gròi, ring bal lơh niam wơl ală rơndăp ù tiah bơh gah do dê mờ rơndăp ù tiah dà lơgar ndai, tài tàm mùl màl ờ hềt geh tơl cơng tàng. Phó Củ tịc Quốk hội ồng Nguyễn Đức Hải sồr Ƀộ Kông thương pơn jăt tai sền wơl, geh jơnau yal mblàng mùl màl ală broă geh kwang bàng tàm mpồl sền gròi neh geh ai.

Cau mblàng Ndong Brawl