Geh kơnòl atbồ sền gàr gơl gùng nhàr dà lơgar jòng rơlao 292 kơi sồ rềp mờ lơgar Lào bal mờ lơgar Campuchia, mpồl Ling sền gàr tiah nhàr dà lơgar càr Kon Tum rơcang lơh ală kơnòl broă git nền ală bơta gơlik geh tàm tiah nhàr dà lơgar, ù tiah, atbồ nền nòn ală bơta cau mờ tam dră geh cồng nha mờ ală bơta tìs, kơrian ală broă lơh tìs mờ kơrnoăt tàm tiah nhàr dà lơgar, tìs mờ adăt boh lam.

Tàm tơngai tus nàng lơh gơs kơnòl broă bơ̆t bơtàu, sền gàr kơl jăp gơnoar tờm ù tiah, gàr kơl jăp bơta lơngăp lơngai dà lơgar mờ kơl jăp cìñ trị tàm ală bơta gơlik geh, Thiếu tướng Nguyễn Hoài Phương, Phó Kwang atbồ Mpồl ling sền gàr tiah nhàr dà lơgar lơgar Việt Nam đơs tờm lơh ală cau ling tàm Mpồl ling sền gàr tiah nhàr dà lơgar càr Kon Tum tơnguh broă atbồ Dà lơgar gơwèt mờ tiah nhàr dà lơgar dê. Tơnguh broă lơh broă bal mờ lơgar ndai sền gàr nhàr dà lơgar mờ mpồl sền gàr tiah nhàr dà lơgar lơgar Lào, lơgar Campuchia bơ̆t bơtàu tiah nhàr dà lơgar ring lơngai, git gơ̆p, lơh bơyô bal, lơh broă bal mờ bơtàu tơnguh”.