Mpồl ling sền gàr tiah nhàr lơgar càr Kon Tum dong kờl kơnòm bơsram tàm tiah nhàr lơgar
Thứ năm, 14:26, 07/09/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Tềng đăp rài kis kal ke bơh uă kơnòm bơsram tàm 13 xã tiah nhàr lơgar, Mpồl ling sền gàr tiah nhàr lơgar càr Kon Tum neh dong kờl 1 tơmàn 900 tơlak đong nàng dong ală kơnòm in tơrmù ƀà kal ke geh tai bơta pin dờn cơnđoà mut tàm nam bơsram pa 2023- 2024.
Jơh ală khà priă neh geh ală Mpồl lơh broă bơh Gah đơng lam mờ mpồl ling ƀòn lơgar dê jàu tàm tê ală kơnòm in tơn. Tàm hơ̆, geh tus 1 tơmàn 800 tơlak đong lời ai 253 nă kơnòm gơwèt Rơndăp broă lơh “Kwang bàng, cau ling Mpồl ling klàng dong kờl oh lòt bơsram”.
Ală kơnòm ndrờm geh rài kis kal ke hìu ơm tàm 13 xã tiah nhàr lơgar gơwèt 4 kơnhoàl bơh càr Kon Tum dê, geh: Đăk Glei, Ngọc Hồi, Sa Thầy mờ Ia H’Drai. Di dơ̆ nam bơsram pa 2023-2024, ală Pôs đồng ling sền gàr tiah nhàr lơgar jăt tàm gơl gùng tiah nhàr lơgar kung pà phan, phan ngui bơsram sră ai 15 nă sau in là “Kòn ròng Pôs đồng ling sền gàr tiah nhàr lơgar” pơndờm pơnđiang ală sau in geh tai bơta pin dờn cơnđoà mut tàm nam bơsram pa 2023- 2024.
Viết bình luận