Cau gơtìp kŭp là Nguyễn Hữu Ngọc, 45 sơnam, ơm tàm thôn Đức Đoài, xã Đức Minh, kơnhoàl Dăk Mil, càr Dăk Nông. Lài hơ̆, lơh broă rơndap lơh nhai lơh uă bè tam dră rcang sơndră cau lơh tìs, Pôs đồng ling sền gàr tiah nhàr lơgar Dăk Lao pơgồp bal mờ mpồl lơh broă gơwèt Mpồl ling sền gàr tiah nhàr lơgar càr Dăk Nông bơyai lơh dơ̆ lòt sền, sền gròi tàm tiah jrong sơn tơ̆p tiah nhàr lơgar 48/25, ù tiah thôn Đức Kim, xã tiah nhàr lơgar Dăk Lao, kơnhoàl Dăk Mil. Tàm do, mpồl ling sền gàr tiah nhàr lơgar neh kŭp ală phan mờ Ngọc gam pơndiang tàm rơndeh kông nông jun pơndiang uă thùng cát tông tàm dơlam geh pin là phan kơryan ờ ai kă bro. Sền gròi mhar ală thùng phan do, mpồl ling sền gàr tiah nhàr lơgar sền gŏ rlau 400 kĭ phăo bơkào prăp pồn tàm dơlam 14 thùng cát tông do.

Bơh dơ̆ lùp khàu, Ngọc yal là blơi khà phăo do bơh dùl nă cau ờ hềt gĭt loh mat mờ tiah ơm kis, gam jun pơndiang rê nàng prăp pồn nàng tăc tàm dơ̆ sa tềp dà lơgar mờr tus. Broă do neh geh mpồl ling sền gàr tiah nhàr lơgar càr Dăk Nông lơh sir sră nggal, jàu cau mờ phăo ai Kwang àng kơnhoàl Dăk Mil, càr Dăk Nông in pơn jat tai pờ ơnàng lùp khàu, lơh glài jat gơnap gơnoar.