Pơrjum geh bơyai lơh nàng kờñ iăt, kơno jơnau đơs tus bal tă pơgồp tàm 2 jơnau rơcăng cih jơnau yal là tơn jơh broă lơh bơ̆t bơtàu Đảng 05 nam (bơh nam 2021- 2025) mờ jơnau rơcăng cih rơndăp tơngume jơnau yal tơn jơh 15 nam lơh jăt Adăt bơhiàn Đảng dê.

Den tàng bè hơ̆, Mpồl kơ̆p kờñ tàm ală tŭ cribơyai, tàm bơyai khăt gơboh, geh bơta ring bal uă, ngan là ală broă pa, broă kal ke bơh rài kis geh ngan. Bơh hơ̆, tă pơgồp, lơh mờ lơh gơlik bơta ring bal bè nùs nhơm, gùng dà jơnau sồr bơh Đảng dê bè bơtàu tơnguh dà lơgar tơngai bơh nam 2026- 2030, broă rơndăp lơh tus nam 2045; pơgồp bơnah pơn jăt tai bơtơl, bơtàu tơnguh bơta gĭt wă cribơyai jơnau tàm sră pơ àr bơh Đảng he dê bè củ nghĩa xã hội mờ gùng lòt guh củ nghĩa xã hội tàm lơgar he. Tàm pơrjum, ala măt Mpồl Lơh kơnòl broă sùm Tỉñ ủy ală càr Tây Nguyên neh đơs, tă pơgồp uă jơnau đơs geh kwơ gơlik geh bơh bơta geh ngan bơh tơl càr mờ bơh tiah do dê.