Ngai 30/05, Mpồl lơh broă Mpồl dềt Sră nggal Pơrjum dờng dơ̆ XIV bơh Đảng dê bơh ồng Nguyễn Xuân Thắng, Củ tịc Hội đồng lý luận Dà lơgar, Kwang atbồ Họk viện cíñ trị Dà lơgar Hồ Chí Minh, Duh broă sùm Mpồl dềt Sră nggal, Kwang atbồ Mpồl sền sơ wì Sră nggal Pơrjum dờng dơ̆ XIV lơh kwang atbồ mpồl lơh broă mờ Mpồl Lơh kơnòl broă sùm Thàñ ủy ƀòn dờng Hải Phòng.

 Tàm dơ̆ lơh broă, ồng Nguyễn Xuân Thắng jờng rơ uă ngan nùs nhơm tam gơl pa, khin cha kơlôi, khin cha lơh, pơnđơl pràn lơh ngan sơr lèt gan tơl bơta kal ke, bơta lòng bơh Đảng ƀộ, gơnoar atbồ mờ làng bol ƀòn dờng Hải Phòng dê. Ồng sồr ƀòn dờng Hải Phòng pơn jat tai tơrgùm đơng lam, sồr lơh nàng lơh sir tàm khà uă ngan rlau jơh ală jơnau kờñ mờ Nghị quyết pơrjum dờng Đảng ƀộ ƀòn dờng dơ̆ XVI dê neh ai; tơnguh uă bơta niam rài kis làng bol dê; sơlơ tơnguh lơh bal kơnhoàl ù tiah mờ tus bal geh cồng nha tàm ală gùng kềng lơh sa; bơh hơ̆, lơh jat geh cồng nha jơnau kờñ tus nam 2030, ai Hải Phòng gơ gơs ƀòn dờng lơh sa mờ măi mok jơh lơm,  niam jak, kơ̆ kơl jăp, đơs nền gơnoar broă bơta gơn kơnờm bơtàu tơnguh bơh Dà lơgar dê.