Đơs tàm dơ̆ lơh broă, ồng Nguyễn Xuân Thắng jờng rơ uă ngan ală bơta pơnđơl pràn lơh ngan mờ cồng nha lơh geh bơh Đảng ƀộ mờ làng bol càr Quảng Ninh dê. Tỉñ ủy càr Quảng Ninh neh lam lơh jat geh cồng nha, ngui bơta bơceh lơh ală gùng broă lơh bơh Đảng mờ Dà lơgar, kwang đơng lam bồ gơnoar atbồ mờ làng bol ală tiah dê lơh geh uă cồng nha niam ngan.

Gơwèt mờ Mpồl lòt sền bơh Mpồl dềt Sră nggal den jơnau yal bơh càr Quảng Ninh dê cih niam ngan, di ngan, jat mờ tơngume bơh Mpồl dê. Mơya bơta kwơ màng ngan rlau jơh là tŭ tơn jơh ai geh ală tơngume tàm bơta nùs nhơm lơh jat, ală jơnau bơsram, geh ală jơnau bơsram cèng bơta kwơ màng. Mpồl lơh broă cih dờp mờ tơrgùm wơl ală jơnau đơs, jơnau dan bơh càr dê nàng yal mờ Mpồl dềt Sră nggal pơrjum dờng dơ̆ XIV bơh Đảng dê.