VOV4.K’ho- Ngai 04/03, Mpồl lơh broă Mpồl duh broă Jơi bơtiàn kòn cau Quôk hội dê bơh ồng Y Thanh Hà Niê Kdam, Ủy viên Ƀân Cấp hàñ Đảng Dà lơgar, Ủy viên Ủy ƀan Thường vụ Quôk hội, Củ tịc Mpồl duh broă Jơi bơtiàn kòn cau Quôk hội dê lơh Kwang ătbồ mpồl neh geh dơ̆ lơh broă mờ Ủy ƀan Ñân zân càr Sóc Trăng nàng lùp mờ sền swì bơta gơdờp tŭ lam lơh jăt Kơrnoăt bơh Thủ tướng Cíñ phủ dê mờ Kơrnoăt bơh Ủy ƀan Jơi bơtiàn kòn cau dê bè ală broă dong kờl geh gơrềng tus tiah làng bol jơi bơtiàn kòn cau dùl êt nă cau tàm càr Sóc Trăng.

Jăt jơnau yal bơh Ủy ƀan Ñân zân càr Sóc Trăng dê, broă lơh jăt 2 kơrnoăt do gam tàm tơngai sơnrờp den tàng Ủy ƀan Ñân zân càr neh ai tơl bơta ƀươn ai ală tiah in tàm broă gĭt nền cau mờ bơnah lam lơh jăt broă lơh dong kờl jơi bơtiàn kòn cau tàm tŭ tơngai pa. Đơs tàm dơ̆ lơh broă, Củ tịc Mpồl duh broă Jơi bơtiàn kòn cau Quôk hội dê ồng Y Thanh Hà Niê Kdam pà gĭt, bơh jơnau đơs, jơnau dan bơh càr Sóc Trăng dê, mpồl geh iăt kơno, lùp jơnau đơs bơh ală ƀộ, gah lơh broă dà lơgar geh gơrềng dê bơh hơ̆ geh ală jơnau sồr tus mờ Cíñ phủ nàng dong ală tiah lơh jăt niam ală broă lơh dong kờl dùl bă ƀươn ƀoài mờ geh cồng nha ngan rlau jơh.

Cau mblàng Lơ Mu K’Yến