VOV4.K’ho- Ngai 07/10, Pơrjum Dà lơgar 6, khoă XIII mŭt tàm ngai lơh broă dơ̆ 5. Ƀùi drim, Mpồl Lơh jăt Đảng Dà lơgar lơh broă tàm hìu pơrjum, cribơyai bè Jơnau yal broă lơh sa- mpồl bơtiàn, kes priă dà lơgar nam 2022, kờp dŭ broă rơndăp lơh bơtàu tơnguh lơh sa- mpồl bơtiàn, kes priă dà lơgar nam 2023 mờ broă rơndăp lơh priă jền kes priă dà lơgar tàm 03 nam bơh nam 2023- 2025.

Anih bơyai lơh pơrjum Đảng Dà lơgar dơ̆ 6

Ƀùi mho, Mpồl Lơh jăt Đảng Dà lơgar lơh broă tàm mpồl, cribơyai bè Rơndăp broă lơh pơlam gùng Rơndăp ù tiah jơh ală broă kâp dà lơgar tơngai bơh nam 2021- 2030, gùng dà broă lơh tus nam 2050. Tơnơ̆ hơ̆, Ƀộ Cíñ trị pơrjum ai jơnau đơs bè broă iăt kơno, mblàng yal loh ală tơngume Dà lơgar cribơyai bè Rơndăp broă lơh pơn jăt tai lơh mờ lơh sir Dà lơgar gơnoar adat boh lam xã hội củ nghĩa Việt Nam tàm tŭ tơngai pa; Rơndăp broă lơh pơn jăt tai lơh pràn dà lơgar lơh sa mờ măy mok, lơh sa măy mok lơh jơh lơm tus nam 2030, gùng dà broă lơh tus nam 2045.

Cau cih VOV Tây Nguyên- Cau mblàng Lơ Mu K’Yến