Geh uă jơnau đơs pơgồp bal đơs là broă Quốk hội tam gơl bơtơl ờ uă adăt tàm tơngai do neh pơgồp bal ai geh bơta ƀuơn nàng ală mpồl lơh sa kă bro bơtàu tơnguh.

Mơya, tàm broă lơh jăt, kung gam ờ uă bơta gơkòl bè: mpồl lơh sa kă bro kờñ bơcri priă pal geh gùng dà broă ngui ù jăt mờ broă rơndăp ù tiah geh ai, mơya tus tŭ do geh uă ngan bă ù tàm Tây Nguyên geh bơta tờm ù bơh mpồl lơh sa suơn dờng ờ hềt geh jơnau bơto sồr bè giă ai ală cau bơcri priă, cau pơlam lơh geh gùng dà broă ngui ù. Tàm dơ̆ tìp, cau tĕ khà kung dan geh uă bơta gơrềng tus mờ broă bơtàu tơnguh lơh sa mpồl bơtiàn càr Dăk Lăk đơs is mờ gùt lơgar đơs bal bè broă rơndăp bơtàu tơnguh ală gơl gùng rơndeh ntoăt jờl, broă rơndăp ù tiah bơtàu tơnguh broă ròng sềm rơbèt, lơh bal jơh gơwèt mờ ală kông ty lơh sa suơn dờng…