03 nhai do, bulah bi Nguyễn Thị Bích Thủy, Phó Kwang ătbồ Kông ty Trăc ñiệm Hữu hạn Biofresh tàm ƀòn dờng Dà Làc pơnđàng uă jơnau yal jòi cau lơh broă, sùm lùp mờ Anih tờm Yal tơngĭt broă lơh càr Lâm Đồng dê nàng jòi cau lơh broă dipal mơya kung gam ờ gŏ geh cồng nha sơl. Jăt ồng Hoàng Trọng Vinh, Kwang ătbồ Anih tờm Yal tơngĭt broă lơh càr Lâm Đồng dê yal, tŭ do jơh gùt càr geh 780 mpồl lơh sa kă bro gam geh jơnau kờñ jòi cau lơh broă, mờ rlau 1 rbô broă lơh tàm uă mpồl gah broă, bè: drơng broă, nhơl chờ, lơh broă sa sươn sre, mai phan....Uă ngan ală mpồl lơh sa kă bro do ai priă nhai geh sùm mờ priă dong kờl uă mơya kung gam kal ke sơl jòi geh cau lơh broă, ngan là ală cau lơh broă geh broă lơh jak bè kỹ sư lơh broă sa sươn sre, ătbồ kă bro drơng broă, pờ ngui măy mok.