Drim ngai 28/07, Mpồl Lòt sền sồ 892 bơh Ƀan Ƀí thư dê bơh Ƀí thư Đảng Dà lơgar, Phó Thủ tướng Cíñ phủ ồng Lê Minh Khái lơh kwang ătbồ mpồl neh lơh broă mờ Ƀan Lơh kơnòl broă sùm Tỉñ ủy càr Dăk Lăk nàng yal kơrnoăt tơlik măt Mpồl Lòt sền mờ broă rơndăp lơh lòt sền bơh Ƀan Ƀí thư dê nam 2023 gơ wèt mờ Ƀan Lơh kơnòl broă sùm Tỉñ ủy Dăk Lăk.

Tơngume bơh dơ̆ lòt sền dê là lòt sền broă lam lơh, lơh jăt Jơnau đơs pơndŭt sồ 21 ngai 25/10/2021 bơh Ƀan Câp hàñ Đảng Dà lơgar dê bè lơh pràn bơ̆t bơtàu, lơh niam wơl Đảng mờ ală anih lơh broă cíñ trị; kràñ cê kơ̆ nùs kơryan, tơrmù, bơsong kràñ kwang bàng, đảng viên gơbàn ờ niam bè bồ tơngoh cíñ trị, nùs nhơm, rài kis, tơngŏ “lơh gơlik geh is”, “lơh tam gơl is”. Tơrgùm tàm tơngume lơh pràn tam dră rơcăng lài tam dră wơl sa kwề sa kwà, pơhì pơhà, bơta ờ niam...Phó Thủ tướng ồng Lê Minh Khái sồr ală kwang bàng tàm mpồl lòt sền jăt di jơnau sồr, pal lơh song dơ pă, jơh nùs, geh cồng nha, ờ gơrềng tus broă lơh bè ờs bơh Ƀan Lơh kơnòl broă sùm Tỉñ ủy càr Dăk Lăk mờ ală anih lơh broă gơ wèt bal dê.