Ồng Nguyễn Trọng Nghĩa, Ƀí thư Đảng Dà lơgar, Kwang atbồ Ƀan Tuyên giáo Dà lơgar, Kwang atbồ Mpồl lòt sền đơng lam pơrjum. Đơs tàm dơ̆ pơrjum, ồng Nguyễn Trọng Nghĩa, đơs nền: broă lòt sền là kơnòl broă lơh sùm jat broă rơndap lơh pah nam bơh Ƀộ Cíñ trị, Ƀan Ƀí thư dê, bơh hơ̆ nàng kờñ sền gŏ mờ rề ơnàng ală broă lơh niam, bơceh pa.

Mờ bơh dơ̆ lòt sền sơñio loh ală bơta gam ờ hềt di pal, ờ hềt pràn, bơta ờ niam, jơnau gơbàn gĭt lài mờ ờ hềt gĭt lài, sền gĭt loh làng kơnòl broă bơh cau dùl nă să, mpồl lơh broă dê. Mơkung sồr, tàm tŭ lam lơh kơnòl broă, mpồl lòt sền mờ ală mpồl lơh broă geh lòt sền lơh jat niam ală jơnau cih, jơnau sồr tàm broă lòt sền; gàr niam jơnau pal jat tơrgùm làng bol lơh tờm, bơta sền gĭt lài, yal loh làng, di pal, tơngŏ geh bơta niam ngan, jơh mpồl lơh broă dùl nùs bal tài kơnòl broă bal.