Mpồl lòt sền Mpồl dềt Bơta boh lam Đảng dê pơrjum dờng dơ̆ 14 lơh broă tàm càr Dăk Lăk
Thứ ba, 08:24, 16/07/2024
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Drim òr (15/07), Kwang atbồ Ƀan Tuyến giáo Dà lơgar ồng Nguyễn Trọng Nghĩa lam bồ Mpồl lòt sền Mpồl dềt Bơta boh lam Đảng dê Pơrjum dờng dơ̆ 14 neh geh dơ̆ lơh broă tàm càr Dăk Lăk.
Đơs tàm dơ̆ lơh broă, ồng Nguyễn Trọng Nghĩa cih dờp mờ jờng rơ uă ngan ală cồng nha pơn đơl pràn lơh ngan, jơh nùs lơh ngan mờ cồng nha lơh geh bơh Mpồl đơng lam Đảng ƀộ càr, Mpồl Lơh kơnòl broă sùm Tỉñ ủy càr Dăk Lăk dê tàm broă đơng lam, sồr lơh jat ală kơnòl broă geh ai tàm tơngai Pơrjum dờng dơ̆ 13 kung bè lơh jat Bơta boh lam Đảng dê tơngai bơh nam 2011-2025.
Đơs sùm tus bơta pa, tàm tơngai pa ai jơh tŭ tơngai niam mờ bơta lòng tàm bơr lŭ bal, ai tơlik jơnau kờñ dờng ngan gơwèt mờ broă lơh bơt bơtàu Đảng mờ lơh jat Bơta boh lam Đảng dê tàm bơta pa, ồng Nguyễn Trọng Nghĩa neh đơs bàr pe broă mờ Đảng ƀộ càr Dăk Lăk pal tơrgùm đơng lam, sồr lơh jat tàm tơngai tus.
Viết bình luận