Nam 2023, broă lơh ring bal ùr klau pơn jat tai dờp geh bơta sền gròi bơh ală kấp, ngàñ, ală tiah càr Dăk Lăk dê mờ lơh geh cồng nha niam ngan. Ală jơnau kờñ bè ring bal ùr klau ndrờm geh ală bơta gơguh jak pơndrờm mờ nam 2022, kwơ màng là ală broă jàu bè bơto bơtê, rcang sơndră lơh pờng hìu bơnhă. Ủy ƀan Ñân zân càr Dăk Lăk neh lơh pràn broă mblàng yal, bơto bơtê, yal tơngĭt gùng dà broă lơh bơh Đảng, adat boh lam bơh Dà lơgar dê bè ală broă lơh jơi bơtiàn, Adat bau kòn mờ hìu bơnhă, ală jơnau gơ lời wơl bơh broă bau gờñ mờ bau mờ cau jơi nòi rềp bal; lơh ală jơnau cih bơhiàn bè bau kòn mờ hìu bơnhă nàng ngui ai ală tiah in; lơh sră cih mat adat bơhiàn tam bau, tam sang bau, gơnoar, kơnòl broă bơh mè bèp mờ oh kòn dê tơnơ̆ dơ̆ tam sang.

Mò Nguyễn Thị Kim Thúy, Phó Củ ñiệm Ủy ƀan Mpồl bơtiàn bơh Quốc hội, Kwang atbồ lòt sền cih dờp mờ jờng rơ uă ngan ală cồng nha mờ càr Dăk Lăk neh lơh geh, mơkung sồr càr pal geh ală broă lơh geh ngan rlau tai nàng lam lơh broă lơh, adat boh lam bè ring bal ùr klau, Adat bau kòn mờ hìu bơnhă.