Củ tịc Quôk hội Việt Nam ồng Vương Đình Huệ jờng rơ ngan gơnoar broă tă pơgồp bơh Mpồl Nghị sĩ Lơh bơyô bal đah lơgar Tây mờ Việt Nam dê tàm broă sơlơ tơnguh tai lơh broă bal đah 2 anih lơh broă nghị viện, là mpồl lơh kòn gùng lơh bơyô bal ai gĭt gơ̆p đah lơgar Việt Nam mờ Tây nàng kờñ tơnguh rlau tai lơh broă bal đah 2 lơgar tàm jơh ală gah broă.

Củ tịc Quôk hội ồng Vương Đình Huệ kơ̆p kờñ, bơh mpồl nghị sĩ nàng sơlơ tơnguh rlau tai gơnoar broă lơh bơh Quôk hội dê tàm Mpồl tam klăc bal đơs dà Tây; sồr 2 mpồl nghị sĩ pơn jăt tai geh gĭt gơ̆p kơ̆ kơl jăp mờ uă broă lơh nàng sơlơ tơnguh tai bơta gĭt gơ̆p đah anih lơh broă làng bol pồ tàm ală tiah bơh lơgar Tây dê mờ ală tiah bơh lơgar Việt Nam dê. Ngan là ală tiah gam geh bơta gĭt gơ̆p lơh oh mi bal mờ gơ̆p; bàr mpồl nghị sĩ sơlơ tơnguh tai, sồr ngan, jăt sền ală rơndăp broă lơh neh kĭ hơ đah 2 Cíñ phủ.