Mho ngai 15/09, mpồl rơndeh pơndiang phan sơnđờm lòt bơh càr Kon Tum tus tiah làng bol gơtìp mìu càl rơbŭt dờng, dà kŏ dà cò lơh aniai càr Tuyên Quang. Mpồl geh nùs nhơm niam neh tàm pà, rơndăp di pal tàm 4 nơm rơndeh dờng pơndiang phan geh toal tah glòm nàng gàr niam phan bơna in geh gàr niam ngan.

Broă jun pơndiang, tam pà, tùng tui ală phan gĭt nđờ jơ̆t tấn tàm tiah tơrgùm bal ƀlàng dờng ngai 16 nhai 03, tàm ƀòn dờng Kon Tum geh bơta tă pơgồp dà kơl hề bơh uă ngan làng bol. Mờ kơ̆p kờñ ală phan bơna do geh jàu tus tàm tê làng bol tiah gơtìp mìu càl rbŭt dờng, dà kŏ dà cò lơh aniai càr Tuyên Quang in, mpồl geh nùs nhơm niam càr Kon Tum rcang lài tàm yal tơngĭt bal mờ anih lơh broă geh gơnoar mờ neh geh bơto pơlam lòt gùng kung bè tiah mờ làng bol gam kờñ geh dong kờl.