VOV4.K’ho- Tàm 2 ngai bơh ngai 26 tus ngai 27/07, Broă lơh Sàl rơlô bơkang Việt Nam nam 2022 bơyai lơh bàr pe broă lơh tàm ƀòn dờng Huế, càr Thừa Thiên-Huế. Broă lơh do geh bơyai lơh bơh ngai 19 nhai 7 tus ngai 3/08 tàm 9 càr, ƀòn dờng mờ bơta tus bal bơh 108 nă cau tàm sơnam bơh 16 tus 24 sơnam, ala mat ai rơnàng kơnòm să cau Việt Nam kis tàm lơgar ndai rê wơl tàm lơgar tờm bơh 25 dà lơgar.

Mpồl Sàl rơlô bơkang Việt Nam nam 2022 cùp rùp lời kir sơnrai tàm Đại nội Huế

Tàm Huế, ală cau tàm mpồl broă lơh Sàl rơlô bơkang Việt Nam nam 2022 tus bal uă broă lơh bè pơrlòng yal jơnau mờ jơnau đơs dà yoan, tus sền Hìu Yàng Phờk Linh Mụ, Đại Nội Huế, jàu pà phan nùs nhơm niam, tìp mat lơh kuèng nhơl ñŏ mpồl bal tàm ƀlàng bràs Lăng Cô. Mpồl geh sa ală phan sa pơn rơ bơkah bơh Huế dê mờ hùc nàng gĭt ală dà cê tàm gơlang Huế. Kờp bơh nam 2004, Sàl rơlô bơkàng Việt Nam neh gơ hòi gơ jà bơta tus bal bơh mờr 2 rơbô nă ơruh pơnu, cau bơsram dờng làng bol Việt Nam ơm kis tàm rlau 30 lơgar mờ kơnhoàl ù tiah tàm dunia. Ală cau tus bal broă lơh là ală krơh niam jak ngan tàm ală gah bơsram sră, tàp pràn să jan, đơs crih tam ya mờ geh tă pơgồp uă ngan ai srơh bơt bơtàu mpồl bơtiàn in.

Cau mblàng K’Hạnh