Đơs tàm dơ̆ lơh broă, ồng Hoàng Đăng Quang pà git, nàng rơcang lài ai pơrjum dờng dơ̆ XIV bơh Đảng dê in, Mpồl duh broă Đảng dà lơgar neh lơh ală mpồl dềt, tàm hơ̆ Mpồl dềt jơnau pal jat Đảng dê geh jàu kơnòl broă bơt bơtàu, yal Mpồl duh broă Đảng dà lơgar khoă XIII in bè tơn jơh, bơt bơtàu Đảng mờ lam lơh 15 nam lơh jat jơnau pal jat Đảng dê. Bơh cồng nha ngan ngồn bơh Đảng ƀộ ƀòn dờng Cần Thơ dê tàm broă lơh bơt bơtàu Đảng mờ lơh jat jơnau pal jat Đảng dê, bơh hơ̆ geh ală jơnau sồr, jơnau dan mờ pơrjum dờng dơ̆ XIV bơh Đảng dê. Ồng Hoàng Đăng Quang sồr pal tơrgùm, mblàng lơh loh ală cồng nha geh pơn rơ bơh 10 kơnòl broă lơh bơt bơtàu Đảng dê, tàm hơ̆ 3 kơnòl broă tờm mờ 3 broă lơh tam gơl pràn mờ Jơnau lơh nền bơh Đảng ƀộ ƀòn dờng Cần Thơ dê neh ai tơlik.