Đơs tàm dơ̆ lơh broă, ồng Nguyễn Trọng Nghĩa đơs 2, 3 bơta ờ niam, kal ke tàm gah broă lơh niam chài, tàp pràn să jan, lòt nhơl mờ đơs 2, 3 broă mờ Mpồl lơh broă Đảng Ƀộ Niam chài, Tàp pràn să jan mờ Lòt nhơl pal tơrgùm đơng lam, sồr lam lơh pal pơn jat tai sơlơ tơnguh pràn broă lơh bơt bơtàu, lơh niam wơl Đảng, pơn jat tai lơh sir gùng dà, broă lơh, bơta dong kờl, adat boh lam, lơh niam broă lơh atbồ niam chài, pồ tơl mpồl kwang bàng lơh broă bơh gah niam chài, tàp pràn să jan mờ lòt nhơl jat gùng dà tơrmù lơyah, geh cồng nha. 

Pơn jat tai sền gròi bơt bơtàu mpồl cau lơh broă, ngan là cau lơh broă geh bơta niam uă bơh gah niam chài, tàp pràn să jan mờ lòt nhơl dê. Ồng Nguyễn Trọng Nghĩa sồr pal tơn jơh ală jơnau đơs tàm sră pơ àr, jơnau kơlôi sơnơng mờ tơnguh bơta niam bè tơl jơh bơta geh ngan, kơlôi sơnơng ală jơnau bơsram mờng chàu, ndrờm bal mờ jơnau tàm sră pơ àr nàng rơcang gơ in wil tơl ai pơrjum dờng dơ̆ 14 in.