Ngai 02/6, tàm ƀòn dờng Buôn Ma Thuột, càr Dăk Lăk, Mpồl bơyai lơh Gùng lòt pơrhê dà lơgar pơgồp bal mờ Mpồl đơng lam hòi jà ai is mhàm càr Dăk Lăk bơyai lơh mut lơh Broă lơh hòi jà ai is mhàm “Gùng lòt pơrhê” gùt lơgar dơ̆ XII, sơn đờn ai gùng lòt jŏ jòng 2 nhai rơp lòt gan 51 càr, ƀòn dờng tàm gùt lơgar. 

Gùng lòt pơrhê nam 2024 mờ jơnau kờñ: Mblàng yal mờ pơlam ai 1 tơlak dơ̆ cau in bè ai is mhàm mờ kòp gơ lề mhàm bơh pa deh; kờp dŭ ai geh bơh 120 rbô kơldung mhàm; hòi jà bơh 8 rbô nă cau tus bal is tàm ală tiah là kwang bàng, cau tàm mpồl, ơruh pơnu, kơnòm pa tàu Cữ thập đỏ, cau tus bal is “Gùng lòt pơrhê” mờ ală broă lơh dong kờl kòn bơnus tàm ƀòn lơgar, mpồl lơh broă.