Rơndăp broă lơh jòng 729 kơi sồ lòt gan 12 càr, ƀòn dờng tàm hơ̆ geh ală gơl gùng: Hà Tĩnh - Quảng Trị; Quảng Ngãi - Nha Trang; Cần Thơ - Cà Mau, mờ kờp jơh khà priă bơcri di pơgăp 147 rơbô tơmàn đong. Rơndăp broă geh lơh 12 rơndăp broă bơnah lơh krơ is, geh lơh gơs tàm nam 2025 mờ ai ngui lơh broă bơh nam 2026.

Tus tŭ do, ù tiah bơh 12 rơndăp broă bơnah do neh geh jào 70%, di pal mờ broă kờñ mŭt lơh. Nàng lơh gơs jơnau kờñ tus nam 2025 tơrbŏ gơl gùng bơh Lạng Sơn tus Cà Mau, Thủ tướng Cíñ phủ ồng Phạm Minh Chính sồr Ƀộ Giao thông Vận tải tơrgùm đơng lam ală gah, mpồl lơh broă atbồ rơndăp broă, pơlam sền gròi mờ cau lơh geh tơnguh nùs nhơm geh kơnòl uă ngan, hòi jà geh bơta pràn, phan lơh broă, măi mok pa, lơh rơndăp ù tiah, gùng dà broă lơh khoa họk, geh cồng nha, kơl jăp.