VOV4.K’ho- Mang do 26/3, tàm Hội An, Quảng Nam, Ƀộ Văn hóa, Thể thao mờ Zu lịc mờ Ủy ƀan Ñân zân càr Quảng Nam bơyai lơh mut lơh Nam nhơl chờ dà lơgar – Quảng Nam nam 2022 mờ tơngume “Anih tus nhơl chờ tơlir”. Nam nhơl chờ dà lơgar là broă niam chài- lơh sa- mpồl bơtiàn geh pơn rơ ngan kấp dà lơgar, dunia mờ geh lơh sùm pah nam. Broă lơh mut lơh Nam nhơl chờ dà lơgar- Quảng Nam nam 2022 geh lơh tàm anih bơyai lơh ngan ngồn Jơnau kah kir Hội An.

Anih bơyai lơh pơgồp bal kông nghệ sap ntas, àng gơ crà pa ngan bal mờ rlau 600 nă cau chài, nghệ sỹ mờ nghệ ñân làng bol kờñ lơh gơlik ală rùp hin dờng pơgồp bal, uă bơta niam chài... Do là tŭ niam nàng yal tơnggit rùp hin, bơta kuơ niam chài phan bơna, ờ di phan bơna, phan kuơ geh is mờ phan nhơl chờ niam ngan, sơlơ hòi jà, tơrbŏ bal, lơh broă bal bơtàu tơnguh nhơl chờ đah ală tiah, tơnguh gơnoar broă, muh mat, rùp hin dà lơgar, kòn bơnus Việt Nam đơs bal mờ càr Quảng Nam đơs is, tơnguh bơta bơtàu tơnguh wơl gah nhơl chờ tài gơ rềng kơn jơ̆ kơn jut tài bơh kòp dờng Kovid-19.

Cau mblàng K’Duẩn