Tàm pơrjum, Ƀí thư Thàñ ủy Hà Nội ồng Đinh Tiến Dũng đơs nền, broă lơh bơta tam gơl rơndap ù tiah bal bơt bơtàu càr lơgar dơ̆ do geh kuơ dờng màng ngan tàm broă bơt bơtàu mờ bơtàu tơnguh càr lơgar tềng đap mat mờ jŏ jòng jat gùng dà ai tơlik lài bơh Ƀộ Cíñ trị dê tàm Nghị quyết sồ 15.

Cribơyai ală tơngume bè rơndap ù tiah càr lơgar Hà Nội broă wèt sền tus nam 2050, ală jơnau đơs đơs loh ală bơta kòl yan tàm bơtàu tơnguh lơh sa- mpồl bơtiàn bơh càr lơgar dê, bơta geh ngan bơtàu tơnguh lơh sa mpồl bơtiàn, bơta geh ngan tŭ do bè phan bơna tiah drà mờ ƀòn lơgar gam uă bơta ờ niam mờ jòi git jơnau bơh tài gơbàn, ai tơlik broă lơh tă bơsong tàm rơndap ù tiah dơ̆ do. Mờ kung mblàng lơh loh ală bơta pal geh bơtàu tơnguh krơi is bơh càr lơgar Hà Nội dê, tàm hơ̆ đơs nền tus ală bơta pràn, bơta ƀuơn, kuơmàng là ngui niam bơta chài rơgơi, niam chài gơ gơs bơta gơn kơnờm pa sơlơ chồl pràn bơta bơtàu tơnguh bơh càr lơgar dê tàm tơngai tus.