VOV4.K’ho- Ràng tơlik rùp “Ƀòn dờng Hồ Chí Minh- 47 nam bal mờ gùt lơgar, tài gùt lơgar” neh geh mut lơh tàm ngai 27/4 tàm gùng lòt jơng Nguyễn Huệ, ƀòn dờng Hồ Chí Minh. Ràng tơlik rùp geh lơh bơh ngai 27/4 tus ngai 07/5 tàm 4 anih là gùng Nguyễn Huệ, gùng Đồng Khởi, ơm song mờ Kông viên Chi Lăng mờ Hìu Niamchài Lao động, quận 1.

Tàm gùng Nguyễn Huệ mờ gùng Đồng Khởi, Mpồl bơyai lơh ràng tơlik 90 pang rùp yal tơnggit lơyah bè tam lơh pha lin nam 1975 bal mờ ală pang rùp ai tơnggŏ bơta tă pơgồp kuơmàng bơh ƀòn dờng Hồ Chí Minh dê gơ wèt tus mờ broă lơh tam gơl pa mờ cồng nha bal bơh gùt lơgar dê tàm tơl gah lơh sa, niam chài bơto bơsram, khoa họk kông nghệ; sơlơ tơnguh tìp mat lơh quèng, lơh bơyô mờ ală lơgar tàm dunia nàng kờñ lơh gơlik bơta niam ai mpồl lơh sa kă bro tàm lơgar mờ lơgar ndai in lơh broă bal, bơcri priă, bơtàu tơnguh ƀòn dờng.

Cau mblàng K’Duẩn