Drim ngai 14/12, tàm anih tờm pơrjum dà lơgar tàm ƀòn dờng Hà Nội, Pơrjum dờng cau ala mat gùt lơgar Đoàn Ơruh pơnu Kộng sản Hồ Chí Minh dà lơgar dơ̆ 12, tơngai lơh broă bơh nam 2022 tus nam 2027 mờ jơnau đơs “Kơp kơnờm- Lam lài- Tam klac bal- Khin cha- Bơceh pa” mut lơh yŭ rơyùm mờ bơta tus bal bơh 980 nă cau ala mat là kwang bàng, đoàn viên jak ngan, ala mat ai rlau 22 tơlak nă đoàn viên, ơruh pơnu Việt Nam tàm lơgar mờ bơdìh lơgar.

Pơrjum là broă cíñ trị kuơmàng bơh cau kơnòm să Việt Nam dê, lơh tềl bơta lơh ngan, cồng nha kuơmàng bơh mpồl duh broă Đoàn mờ srơh ơruh pơnu, kơnòm pa tàu, kơnòm dềt tàm 5 nam do. Pơrjum geh kơnòl tơn jơh broă lơh jat Nghị quyết pơrjum dờng cau ala mat gùt lơgar Đoàn Ơruh pơnu Kộng sản Hồ Chí Minh dơ̆ 11, tơngai lơh broă bơh nam 2022 tus nam 2027; git nền jơnau kờñ, kơnòl broă mờ broă lơh đoàn mờ srơh ơruh pơnu, kơnòm pa tàu, kơnòm dềt tơngai lơh broă bơh nam 2022 tus nam 2027. Pơrjum geh pồ Ƀan Cấp hàñ Đoàn dà lơgar dơ̆ 12, tơngai lơh broă bơh nam 2022 tus nam 2027; bơ tơl, tam gơl Kơrnuat Đoàn mờ ring bal Kơrnuat Đoàn tam gơl.