Tàm hơ̆ geh cribơyai, ai jơnau đơs tàm Jơnau rơcang cih rơndap broă lơh yal tơrgùm bal Jơnau yal cíñ trị mờ tơngume, jơnau đơs Pơrjum dơ̆ 18 Đảng ƀộ ƀòn dờng. Yal bè rơndap broă yal tơrgùm bal jơnau yal cíñ trị pơrjum dờng cau ala mat dơ̆ 18 Đảng ƀộ ƀòn dờng, Phó Ƀí thư Thàñ ủy ƀòn dờng Hà Nội ồng Nguyễn Văn Phong pà git, tŭ lơh rơndap broă yal tơrgùm bal, neh cih dờp ngan ngồn ală jơnau sồr lơh,ai tơlik lài gùng dà tơngume dờng tàm nghị quyết sồ 15 bơh Ƀộ Cíñ trị dê bè broă rơndap lơh, kơnòl broă bơtàu tơnguh càr lơgar tus bal 2030, broă rơndap lơh tus nam 2045, jơnau rơcang cih Adat càr lơgar tam gơl mờ 2 rơndap ù tiah bè càr lơgar. Tơngume tờm bơh rơndap broă yal tơrgùm bal geh sền sơ swì cồng nha lơh jat Nghị quyết pơrjum dờng dơ̆ 17 Đảng ƀộ ƀòn dờng (2020 – 2025) mờ jơnau kờñ bal, ală broă jàu tờm, kơnòl broă tờm, broă tam gơl pràn mờ ală broă lơh tờm bơh càr lơgar dê tơngai 5 nam, bơh nam 2025 tus nam 2030, gùng dà ai tơlik lài tus nam 2045, broă rơndap lơh tus nam 2065.