Ƀí thư Thàñ ủy ƀòn dờng Hồ Chí Minh ồng Nguyễn Văn Nên đơs, pơrjum dơ̆ 17 geh uă tơngume dờng, geh gơtha kuơmàng ngan nàng kờñ lam lơh ală jơnau kờñ bơtàu tơnguh lơh sa- mpồl bơtiàn, tơnguh niam rài kis làng bol tềng đap mat, di mơ tơngai mờ jŏ tơngai. 

Ƀí thư Thàñ ủy ƀòn dờng Hồ Chí Minh đơs là, broă mờr tus kơn jơ̆ ngan bal mờ khà broă uă, kuơmàng ngan rlau jơh là lơh gơs gùng dà broă lơh ală jơnau lơh nền tàm pơrjum bơh Đảng dà lơgar, Quôk hội, Cíñ phủ dê nàng lơh gơs tơngume adat boh lam ai broă lơh ƀòn dờng dê in. Tềng đap mat là mhar mblàng yal, ai tơlik ală sră nggal gơ wèt gơnăp gơnoar nàng lam lơh jat ală Jơnau lơh nền tàm pơrjum, Adat boh lam geh ring bal tàm pơrjum Quôk hội pa do, lam lơh jat Jơnau lơh nền bơh Cíñ phủ dê sồ 84 bè lam lơh tơrlòng lài tam pà kâp atbồ nàng lam lơh jat Jơnau lơh nền tàm pơrjum sồ 98.