VOV4.K’ho- Đơs tàm pơrjum dơ̆ dùl Mpồl đơng lam lơh niam wơl hàñ cíñ bơh Cíñ phủ dê geh lơh tàm drim ngai 09/3, Thủ tướng Cíñ phủ ồng Phạm Minh Chính, Kwang atbồ mpồl đơng lam đơs nền, pal lơh gơlik bơta tam gơl bè lơh niam wơl hàñ cíñ, ngan là ală sră nggal hàñ cíñ gơ wèt tus mờ làng bol, mpồl lơh sa kă bro nàng tơnguh mờ hòi jà tơl bơta pràn tă pơgồp nàng bơtàu tơnguh dà lơgar. Pal pơn jat tai kờp sền wơl gơnap gơnoar, kơnòl broă, pleh gơ tàm rơndap rơndồl kơnòl broă mờ tơrmù broă lơh kòn gùng.

Thủ tướng Phạm Minh Chính đơs nền, dơ̆ pơrjum do geh kuơ dờng màng ngan nàng kờñ sền sơ wì broă lơh niam wơl hàñ cíñ nam 2021, đal git kơnòl broă nam 2022; cribơyai 2, 3 kơrnuat pal jat, quy cế lơh broă. Broă lơh niam wơl hàñ cíñ pal geh tơnguh nàng pơgồp bơnah rơcang sơndră bơta ờ niam, pơ hề pơ hà, kuơmàng là sa kuề sa kuà dùl êt. Bè kơnòl broă nền cê, Thủ tướng sồr, sơlơ tơnguh gơnoar broă cau atbồ, lam lơh jơh nùs, geh cồng nha broă lơh tơrgùm jơh ală bơta lơh niam wơl hàñ cíñ dà lơgar tơngai bơh nam 2021 tus nam 2030.

Cau mblàng K’Duẩn