VOV4.K’ho- Pơrjum dờng cau ala măt gùt lơgar Mpồl Sền gàr dong kờl cau kuĕt kơlte mờ Kơnòm kòn đời Việt Nam dơ̆ 6 (tơngai lơh broă bơh nam 2022- 2027) neh ngan ngồn mŭt lơh tàm drim ngai 26/04 tàm Hà Nội.

Do là pơrjum geh bơta kwơ dờng màng ngan gơwèt mờ broă lơh Mpồl tàm kâp dà lơgar mờ 45 mpồl gơwèt bal. Tus bal pơrjum dờng do geh 350 nă kwang bàng ala măt ngan ngồn geh sac rwah bơh 47 càr mờ ƀòn dờng, mpồl, pơrjum cribơyai ring bal mờ ală anih lơh broă tàm kâp dà lơgar, ală cau pơnrơ jak. Pơrjum dờng tơn jơh 5 nam lơh broă tơngai lơh broă dơ̆ 5 bơh nam 2017- 2022, mơkung yal gùng dà broă lơh tàm tơngai lơh broă pơn jăt tai. Tàm dùl ròt ală broă lơh bơh pơrjum dờng dê geh lơh Dơ̆ tơngkah kir sơnrai 30 nam ngai crơng gơs Mpồl Sền gàr dong kờl cau kuĕt kơlte mờ Kơnòm kòn đời Việt Nam mờ Broă lơh tìp măt lơh kwèng đơs crih tam ya “Dùl plai nùs- Dùl dunia” dơ̆ 17.

Cau mblàng Lơ Mu K’Yến