VOV4.K’ho- Tàm 02 ngai, ngai do mờ ngai hìng (07- 08/09/2022), tàm Hìu Quôk hội, Ủy ƀan Thường vụ Quôk hội bơyai lơh Pơrjum kwang bàng Quôk hội lơh broă lơh kơnòl broă sùm nàng cribơyai, tă pơgồp jơnau đơs bè 06 rơndăp broă lơh adat, 01 jơnau rơcăng cih Kơrnoăt yal mờ Quôk hội in tàm pơrjum dơ̆ 4 geh lơh tàm nhai 10 tus.

Ală rơndăp broă lơh adat geh ai jơnau đơs tă pơgồp, geh: Adat Lùp sền (tam gơl); Adat Lơh jăt làng bol lơh tờm tàm ƀòn lơgar; Adat Rơcăng sơndră tam gơl priă geh bơh broă lơh tìs gơ gơs priă dipal mờ adat boh lam (tam gơl); Adat Tam gơl, bơtơl bàr pe bơta bơh Adat Tần số vô tuyến điện; Adat Rơcăng sơndră lơh pờng hìu bơnhă (tam gơl); Adat Kham, sơm kòp (tam gơl). Ală kwang bàng Quôk hội lơh kơnòl broă sùm kung geh cribơyai bè jơnau rơcăng cih Kơrnoăt ai lơh jăt tơngume pal jăt dơ̆ pơrjum Quôk hội dê (tam gơl).

Cau mblàng Lơ Mu K’Yến