VOV4.K’ho- Drim ngai 26/05, Pơrjum Rài tơnơ̆ do câu Á dơ̆ 27 neh mŭt lơh tàm càr lơgar Tokyo, lơgar Nhờk dê bal mờ bơta lòt pơrjum tơn bơh uă kwang bàng đơng lam bồ câu Á, bè Thủ tướng Singapore ồng Lý Hiển Long, Thủ tướng Thái Lan ồng Prayut Chan-o-cha. Phó Thủ tướng duh broă sùm Việt Nam dê ồng Phạm Bình Minh lam bồ mpồl kwang bàng ala măt lơgar Việt Nam lòt pơrjum tơn.

Pơrjum dơ̆ do geh tơngume “Rơndăp mòn gơnoar broă câu Á dê tàm dunia tam cah”. Bơdìh mờ ală jơnau đơs pờ tơn tàm internet bơh ală kwang bàng đơng lam bồ dê, uă dơ̆ cribơyai tàm 2 ngai mờ tơngume, bè: Tam gơl dunia bơh câu Á- rài tơnơ̆ do geh lơh gơs bơh ală mpôl lơh sa kă bro; Tam dră đah Mỹ mờ Lo mờ gơrềng tus rơndăp tăp sèng, lơngăp lơngai, lơh sa câu Á dê; Bơtàu tơnguh mpồl lơh sa kă bro câu Á bơh tìp măt lơh kwèng bơta niam chài...geh lơh. Bơh hơ̆, ală lơgar câu Á geh lơh broă bal niam rlau tai tàm broă tam dră wơl mờ ală bơta lòng pa tàm tiah do mờ tàm dunia, bơ̆t bơtàu dùl kơnhoàl ù tiah bơtàu tơnguh tă pơgồp ai ring lơngai mờ kơ̆ kơl jăp bơh tiah do dê.

Cau mblàng Lơ Mu K’Yến