VOV4.K’ho- Drim ngai 10/8, tàm ƀòn dờng Hồ Chí Minh neh geh bơyai lơh dơ̆ mut lơh Pơrlòng kơnòm dềt 3 lơgar Việt Nam- Lào- Campuchia mờ bơta tus bal bơh 184 nă kơnòm dềt mờ kwang bàng drơng broă là ală cau pơn rơ jak tàm broă bơsram sră mờ ală broă lơh srơh kơnòm dềt bơh 3 lơgar dê.

Pơrlòng kơnòm dềt 3 lơgar Việt Nam- Lào- Campuchia nam 2022 mờ tơngume “Guàng tê gơp bơyô” geh uă broă lơh geh kuơ tàm ƀòn dờng Hồ Chí Minh, bè: lòt sền ngan ngồn brê ngơr bam dà hang, tam tờm đươk tàm kơnhoàl Củ Chi, lòt sền tiah tềl kah yau ù tiah Củ Chi- hìu duh khoai Bến Dược, broă lơh tìp mat lơh kwèng niam chài kơnòm dềt Việt Nam- Lào- Campuchia... Do là dùl tàm ală broă lơh kuơmàng gờm chờ nam tam klac lơh bơyô Việt Nam- Lào mờ Campuchia nam 2022, tongkah 60 nam ngai crơng gơs git gơp lơh broă bal Việt Nam- Lào mờ 45 nam ngai kĭ Hiệp ươk lơh bơyô mờ lơh broă bal Việt Nam- Lào, tơngkah 55 nam ngai lơh git gơp lơh broă bal Việt Nam- Campuchia.

Cau mblàng K’Duẩn