Mìu dờng jŏ jòng lơh nchùn, rơdàng kơn jơ̆ ngan taluy gùng Hồ Chí Minh gơl lòt gan thôn 3, xã Quảng Tín, kơnhoàl Dăk Rlâp, càr Dăk Nông. Gơnoar atbồ, gah lơh broă geh gơnoar neh ntrờn jal mhar uă hìu bơnhă làng bol tàm tiah sơbơng roh. Sở Gùng lòt mờ Pơndiang phan càr Dăk Nông pà git, tài mìu dờng jŏ jòng, gùng Hồ Chí Minh tàm kơi sồ 1936+080 mờ Kơi sồ 1936+ 300 tàm thôn 3, xã Quảng Tín, kơnhoàl  Dăk Rlâp gơlik geh bơta ñchùn taluy hơđơm mờ bă tiah cò tơnring ù.

2 anih gơtìp rơdàng do ơm ngài rlau 200 thơk, pơhìn lơh gơ rềng tus gùng ù gờl mờ lơh roh bơta lơngap lơngai lòt rê tàm gùng tàm do. Sở Gùng lòt mờ Pơndiang phan neh đơng lam, lơh broă mờ ală mpồl geh gơ rềng nàng jòi broă lơh bơsong, tơrmù ƀà bơta gơ rềng tus gùng ù gờl, lơngăp lơngai gùng Hồ Chí Minh gơl lòt gan tiah pa yal. Gơnoar atbồ mờ gah lơh broă tàm do neh sồr ală hìu bơnhă làng bol pơhìn gơtìp gơ rềng ntrờn tĕ phan bơna lik bơh tiah tơrlah nàng gàr lơngăp lơngai. Jat tơrgùm kờp bơh sơn rờp, bơta tơrlah ù lơh hìu tac xăng zờu, hìu tac dà kơphe mờ ù tiah kềng gah gùng bơh 15 hìu bơnhă làng bol dê gơtìp gơrềng.